३ असार  पोखरा

यो बर्ष पनि असार लागे संगै विभिन्न जिल्लाहरुमा भारी वर्षा सुरु भएको छ र दुई दिनदेखीको लगातार बाढीसंगै नहरमा अव्यवस्थित रुपमा आएको भारी बर्षाले पोखरा म.न.पा. वडा न. ३२ का घरहरु डुबानमा परेको छ । पानीका कारण पोखरा म.न.पा.का वडा न.३२ को टाँडिका साथै कालिका चोकमा झन्डै २० वटा घरहरुमा पानी पसेको छ ।

पानी पसेर कतिपयको घरमा अन्न भिजेको छ यो संगै कालिका चिकमा पानी जमेर ताल झै भएको छ।बाढिले खुदी खोलाको किनारा भत्काउन थालेको बाढी नियन्त्रण तथा व्यवस्थापन समिती पोखरा वडा न.३२ का अध्यक्ष शिवजी लामिछानेले जानकारी दिनु भयो । बिजयपुर सिंचाइ आयोजना र गडुवा खोलाको पानी तथा बेगनास ताल जल उपभोक्ता सस्थाको बिसिटु सिंचाइ आयोजनाबाट अनियन्त्रित भई आउने पानीका कारण पर्ने गरेको असरहरु यश अघि नै पत्राचार ध्यानाकर्षण गराए पनि कार्यन्वयनमा चासो नदिदाको समस्या भएको बताउँछ ।

टाँडि र आसपासका क्षेत्रका स्थानीयबासिहरु बर्सेनि समस्यामा पर्ने गरेको स्थानीय युवा नवराज घिमिरेले बताएका छ्न। यो दीर्घकालीन समस्या समाधान गर्नका लागि सम्बन्धित निकायले तल्काल चासो दिनुपर्ने देखिन्छ । भारी बर्षाका कारण बर्सेनि हुने समस्यालाई समाधान गर्न बाढी नियन्त्रण तथा व्यवस्थापन समितिका पदाधिकारी,जनप्रतिनिधि एवम् सञ्चारकर्मी टोलिले जिल्ला प्रशासन कार्यालयमा ध्यानाकर्षण गराएको छ।

कास्किका सहायक प्रमुख जिल्ला अधिकारी श्रीनाथ पौडेललाई भेटेर टोलिले तत्कालीन दीर्घकालीन समाधानका सम्बन्धमा जानकारी गराए । भेटघाट बाढी नियन्त्रण तथा व्यवस्थापन समितिका अध्यक्ष शिवजी लामिछाने,समितिका सचिव प्रकाश चन्द्र पागल,पोखरा-३२ का वडा अध्यक्ष अक्कल बहादुर कार्की,गण्डकी प्रदेश सभा सदस्य एवम् अर्थ तथा विकास समितिका सभापती दिपक कोइराला, नेपाली काङ्ग्रेस कास्कीका प्रवक्ता नवीन सिग्देल,रासस गण्डकी प्रदेश प्रमुख वासुदेव पौडेल ,नेपाल तरुल दलका केन्द्त,सदस्य गङ्गा खत्री, नेपाली काङ्ग्रेसका वडा सचिव किसान परियार, नेपाली काङ्ग्रेस – ३२ का युवा संयोजक शरन प्रधान लगायतको उपस्थित थिए । यश समस्यालाई तत्कालीन समाधानको लागि विपद कोषबाट बजेट विनियोजन गर्नु पर्ने सरोकारवालाको माग छ ।