६ भाद्र , २०८० । महादेववेशी,धादिङ ।
सृष्टि फाउन्डेसन नेपालको प्रथम वार्षिक उत्सव कार्यक्रम सम्पन्न भएको छ।
धादिङको थाक्रे गाउँपालिका वडा नम्बर २ को महादेववेशीमा वि.स २०७९ साल भदौ ६ गते स्थापना भएको सृष्टि फाउन्डेसन नेपालले बुधबार प्रथम वार्षिकोत्सब मनाएको हो। उक्त अवसरमा “सुन्दर सडक सुरक्षित गन्तव्य “ अभियानको समेत शुभारम्भ गरिएको छ।
संस्थाले सडक लाभग्राहीहरूका लागि सचेतना फैलाउने उद्देश्यले “सुन्दर सडक सुरक्षित गन्तव्य “अभियानको शुभारम्भ गरिएको संस्थाका अध्यक्ष अम्बिका रूपाखेतीले बताउनु भयो । संस्थाले थाक्रे गाउँपालिका सगंको साझेदारीमा थाक्रे पालिका भरि सडक सचेतना मुलक होडिङ भोट राख्ने अध्यक्ष रूपाखेतीको भनाइ छ।
वार्षिकोत्सब कार्यक्रममा सहभागी भएका थाक्रे गाउँपालिका भित्रका जनप्रतिनिधि,नागरिक समाजका अगुवा तथा नागरिकहरूको उपस्थितिमा अन्तरक्रिया कार्यक्रम समेत भएको छ।
अन्तरक्रिया कार्यक्रममा सहभागी रहेका जनप्रतिनिधि, नागरिक समाजका प्रतिनिधि तथा थाक्रे भित्रका नागरिकहरुले आ आफ्नो प्रतिबद्धता ब्याक्त गरेका छन्।
कार्यक्रमका प्रमुख अतिथि समेत रहनु भएका थाक्रेगाउपालिकाका अध्यक्ष राम कुमार आचार्यले बिरुवामा पानिहालेर कार्यक्रमको उद्घाटन गर्नु हुदै सृष्टि फाउन्डेसन नेपालले सञ्चालन गरेका कार्यक्रमको प्रसंशा गर्दै आगामी दिनमा संस्था सगैं विभिन्न कार्यक्रममा सहकार्यमा काम गर्ने बताउनु भयो । साथै “सुन्दर सडक सुरक्षित गन्तव्य “ भन्ने नारालाई सबैले साथ दिएमा मात्र नाराले सार्थकता पाउने आचार्यले बताउनु भयो।
