एक दिन एउटा धनीको छोराले स्नातक गर्यो त्यसपछि उसले साँझमा बुबा हुने ठाउँमा गयो र निम्न कुराहरू भन्यो:
छोरा: बुबा म तपाईं सँग कुरा गर्न चाहन्छु?
बुबा: अँ भन के भन्न आट्यौ।
छोरा: मेरो सबै सहपाठी मध्य म मात्रै कार बिनाको छु, मैले उनीहरुको अगाडि शिर झुक्याएर हिंड्नुपर्छ ।
बुबा: अनि तिमिले म बाट के आशा गरेका छौँ ।
छोरा: बुबा मलाई पनि एउटा कार चाहियो । म पनि कार मालीक हु भन्ने महसुस गर्न चाहन्छु।
बुबा: तिम्रो मनमा कुनै त्यस्तो विशेष कार छ?
छोरा: छ बुबा भन्दै मुस्कुराउँछ।
बुबा: अनि त्यसको मुल्य कति हो नि?
छोरा: ४० लाख।
बुबा: म तिमीलाई पैसा दिन त दिन्छु, तर एउटा सर्तमा दिन्छु।
छोरा: कस्तो सर्तमा बुबा?
बुबा: म तिमीलाई कार किन्नको लागि पैसा दिदिन, कुनै बिज्नेश गर्नको लागि दिन्छु। जुन बिज्नेश गरेपछि १ बर्षको नाफाले तिमिले आफुले चाहेको कार किन्न सक्छौ।
छोरा: ok डिल मन्जुर छ।
त्यसपछि बुबाले उसलाई ४० लाखको चेक दिनुभयो।
बुबासँग गरेको मौखिक सम्झौतामा छोराले चेक क्यास गरेर आफुले रोजेको बिज्नेशमा पैसा लगानी गरे ।
केही महिनापछि बुबाले छोरालाई सोध्नुभयो तिम्रो नयाँ ब्यापार बिज्नेश कसरी चल्दै छ। छोराले आफ्नो व्यवसायमा सुधार भइरहेको प्रतिक्रिया दियो। बुबा आफ्नो गन्तव्यमा जानुभयो।
केही महिनापछि फ़ेरि बुबाले आफ्नो व्यवसायबारे सोध्नुभयो।छोराले ब्यापार बाट धेरै नाफा कमाइरहेको बुबालाई भन्यो।
पैसा दिएको ठ्याक्कै एक बर्ष पुगेपछि बुबाले ब्यापार कतिको फस्टाउदै छ भनेर देखाउनका लागि भने। छोराले सहज रुपमा बुबाको कुरा स्विकार्दै निम्न छलफल भयो।
बुबा: तिम्रो खातामा हेरेपछि मैले थाहा पाए कि तिमीले धेरै पैसा कमाएका छौ।
छोरा: हो बुबा।
बुबा: हाम्रो सम्झौता याद छ कि छैन?
छोरा: छ बुबा।
बुबा: कस्तो सम्झौता भएको थियो हामी दुई बिच?
छोरा: पैसा लगानी गरेको नाफाबाट मैले मेरो लागि गाडी किन्नुपर्ने सर्त थियो।
बुबा: यत्रो पैसा कमाएर पनि किन अहिलेसम्म कार नकिनेको?
छोरा: अब मलाई कार चाहिदैन बुबा, म अझै धेरै ठाउँमा लगानी गर्न चाहन्छु।
बुबा: राम्रो कुरा। जुन शिक्षा मैले सिकाउन चाहन्थे तिमी आफै ले त्यो शिक्षा सिक्यौ।
१• तिमीलाई बास्तबमा कार चाहिएको थिएन, तिमीले साथीहरूको अगाडि मेरो पनि कार छ भनेर चलाएर देखाउन चाहन्थ्यौ।
२• कारले तिमी माथि थप आर्थिक दायित्व राख्थ्यो। त्यो त्यतिबेला सम्पत्ति होइन, दायित्व थियोे।
३• राजा बनेर बस्नु भन्दा पहिले भबिस्यको लागि लगानी गर्नु अत्यन्तै आवश्यक हुन्छ।
छोरा: धन्यवाद बुबा।
त्यसपछि बुबाले घरमा भएको सेकेन्ड हेण्ड कारको चाबी छोरालाई दिए।
शिक्षा: तपाईंले चाहेको तरिकाले बाच्नु अगाडि, लगानी गर्नुहोस् ।
२• आज तपाईंले बजारमा जे देख्नुहुन्छ त्यो तपाईंको चाहना बन्न सक्छ। तपाईंले थोरै समय निकालेर आफ्नो लगानीमा मिहेनत गर्नुहुन्छ भने दीर्घकालीन सम्मको लागि तपाईंको चाहनालाई पोल्टामा पार्न सक्नुहुन्छ।
सम्पत्ति र दायित्वमा छुट्याउन सक्ने प्रयास गर्नुहोस् ताकि आज सम्पत्तिको रुपमा देख्नु भएको भोलि तपाईंको लागि दायित्व नबनोस।
धनी र गरिबमा फरक यति हो कि धनीले सम्पत्ति खोज्छ भने गरिवले दायित्व ।।
