भाग-१ (क)
घरमा
हजुरबुबा, हजुरआमा
आमा, बुवा
काका हुनुहुन्थ्यो
र त
म सबैको प्यरो थिए!
……××……
सानो छदा!
बाँ काका र गाउँले मिलेर
काधमा राखेर
हजुरबुबालाई कतै लगे पछि
हजुरबुबा
अहिलेसम्म घरमा फर्केर
आएका छैन!
……××……
बर्ष दिन नपुग्दै!
हजुरआमा बिरामी भएर थलिनु भयो
अन्ततोगत्वा
हजुरआमालाई पनि
बाँ ,काका र गाउँले मिलेर
कहिँ लैजानु भयो।
उहाँ पनि फर्की आउनु भएन।
…××……
केहि बर्षपछि!
काकाको बिहे भयो।
काका!
काकी लिएर सहर पस्नु भयो।
घरजग्गा किनेर उतै बस्नु भयो!
यत्तिका समय भयो
एकपटक पनि
आउनु भएको छैन!
……××……
म
हुर्केर ठुलो भए!
आमा!
दमको रोगी हुनुहुन्थ्यो!
बाँ ले
रक्तचापको औषधि खानु हुन्थ्यो!
आमा बिरामी भएपछि
बाँ ले अस्पताल लैजानु भयो!
अस्पताल पुगेपछि
आमा अस्ताउनु भयो
बाँ अतालिएर ढल्नु भयो ।
सगै गएको
“म”
एक्लै घरमा फर्किए
न बाँ साथमा फर्कनु भयो!
न त आमा नै साथमा आउनु भयो।
दुबै जना
उतै अस्ताउनु भयो।
……××………
भाग -२ (ख)
बिहे भयो
छोराछोरी भए
हुर्किए बढे र पढे!
पढनकै लागी
परदेश गए
उतै बिहे गरेर घरजम गरे
र उतै रमाएर बसें!
बर्षौंभयो
न छोरा फर्कियो!
न छोरी फर्किन!
……××……
घर धन्दा
मेलापात भन्दा भन्दै
उमेर गयो बैंश गयो!
छोराछोरी पढाउदा लागेको
ॠण तिर्न
र
पैसा कमाउन
“उ”
खाडी गयो।
…..××……
मेरो
खसम
घर,परिवार र देश छाडेर
खाडी गएको छ महिना भयो!
गएपछि कोही फर्केको
इतिहास छैन दुनियाँमा।
तर!
उ
फर्केर आएको छ!
क्रम भंग गरेर
रातो बाकसमा।
~आकाश अधिकारी – तनहुँ।
