गृहमन्त्री सुदन गुरूङको राजीनामा प्रकरण र जनआस्थामा लेखिएका समाचारबारे पत्रकार किशोर श्रेष्ठ लेख्छन्:-

सुधन गुरुङ्जीले अन्ततः राजीनामा दिनुभयो। राजीनामा नदिएको भए उहाँ ठुलै केस लागेर खेर जानुहुन्थ्यो। उहाँवारे हाम्रा ब्रेकिङ्ग स्टोरीलाई लिएर नक्कली परिचयधारी बिदेश बस्ने केही साथी हामीलाई गालीगलौजमार्फत बिषयान्तर गर्न अस्तिदेखि भातपानी छाडेर लाग्नुभयो। आधारहीन आरोप लगाएर केही डलर कमाउनुभयो, बधाइ र शुभकामना छ।

      ३८ बर्षको पत्रकारिता जीवनमा एक सुको इमान बेचेको भए हाम्रा पनि शेयरमा नाम आउने थिए । कालो धन्दामा मुछ्ने थिए । हामी कहीं कतै बिकेको लिखित,मौखिक प्रमाण केही छ तपाईंहरुसङ्ग ? पद र पैसामा इमान बेचेको भए शीर ठाडो पारेर हामीले निर्ममतापूर्वक हज्जारौं समाचार लेख्दा माया गरेर छोड्थे कसैले ? केपी, देउवा, प्रचण्ड, सेनापति, राजा महाराजावारे सबैभन्दा धेरै कृटिकल समाचार कसले लेख्यो ? पाना पल्टाएर हेर्ने कष्ट गर्नुभएको छ ? नपढी, नबुझी हल्ला गर्नुहुन्छ ?

यही प्रकरणमा पनि मौन बसिदिनोस्,आफै अँक भरेर लानोस् भनी रित्ता चेक टेबलमा तेर्स्याइएका थिए। हामीमाथि चिच्याइचिच्याइ लगाएका एउटै मात्रै अनर्गल आरोप पुष्टि गर्न सक्नुहोस्-हत्कडी लगाएर हामीलाई लगे हुन्छ नत्र तपाईं स्वयंले पश्चाताप गर्नुको के नै बिकल्प रह्यो र !