प्यालेस्टाइनको इस्लामिस्ट समूह हमासले इजरायलमा अचानक गरेको ठूलो आक्रमणमा नेपालीसमेत प्रभावित भएका छन्। मिडिया रिपोर्टका अनुसार हमासको आक्रमणबाट केहि नेपालीहरूको अवस्था गम्भीर रहेको बताइएको छ ।

हमासले विभिन्न शहरमा अप्रत्याशितरूपमा रकेट र मिसायल प्रहार गर्दा १४ नेपालीहरू कार्यरत रहेको एउटा कम्पनीमा समेत क्षति पुगेको जनाइएको छ। उक्त आक्रमणमा कार्यारत नेपालीहरू प्रभावित भएको जसमध्ये ११ जना घाइते र २ जनाको अवस्था गम्भिर रहेको नेपालको परराष्ट्र मन्त्रालयले शनिबार साँझ जारी विज्ञप्तिमा जनाएको छ।

परराष्ट्र मन्त्रालयको शनिबार साँझ जारी विज्ञप्तिअनुसार १४ नेपाली कार्यरत रहेको एउटा फार्ममा पनि हमासले आक्रमण गरेको थियो। आक्रमणमा परी ९ जना नेपाली घाइते भएका छन्। तीमध्ये २ जनाको अवस्था गम्भीर छ।

इजरायलमा २ सय ५० कृषि विद्यार्थीसहित ४ हजार ५ सय जना नेपाली कार्यरत रहेको बताइन्छ।

‘केही मानिसको ज्यान जाने गरी र कैयौं घाइते हुने गरी इजरायलमा आज भएको आतंकवादी आक्रमणको नेपाल सरकार कडा भत्सर्ना गर्दछ,’ परराष्ट्रको विज्ञप्तिमा भनिएको छ, ‘संकटको यो घडीमा इजरायल सरकारसँग हामी ऐक्यबद्धता व्यक्त गर्छौं।’

इजरायलस्थित नेपाली दूतावासका अधिकारीहरू आक्रमण भएको क्षेत्रमा रहेका नेपालीहरूसँग सम्पर्कमा रहेको र नेपालीको सुरक्षाका लागि इजरायली अधिकारीहरूसँग समन्वय पनि भइरहेको परराष्ट्र मन्त्रालयले जनाएको छ।

इजरायल युद्धमा होमियो हमास

हमास विद्रोहीहरूले इजरायलमा गरेको भयानक हमलामा पर्दा मध्यपूर्व फेरि एकपटक गहिरो संकटमा फसेको छ। आक्रमणमा परी ३ सयभन्दा बढी हताहत भएका छन्, जसमा दुवै पक्षमा ठूलो क्षति भएको बताइएको छ।

गाजामा बन्धक बनाइ लगियो

इजरायल टाइम्सका अनुसार, हमास लडाकुहरूले इजरायली क्षेत्रमा रकेटहरूद्वारा बमबारी जारी राख्दा धेरैलाई बन्धक बनाएका छन्। बन्धकहरूलाई गाजामा लगिएको छ। इजरायली बन्हधकरूको सुरक्षा र द्वन्द्वको सम्भावित वृद्धिको बारेमा चिन्ता बढेको छ।

तेल अवीवमा आक्रमण र आगलागी

व्यस्त सहर तेल अवीव पनि हमासको आक्रमणबाट अछुतो रहन सकेन। हमासद्वारा प्रहार गरिएका रकेटहरू सहरमा खसेका छन् र त्यहाँका बासिन्दाहरू आश्रयको लागि यताउता दौडिरहेको इजरायल टाइम्सले जनाएको छ । इजरायली आइरन डोम प्रतिरक्षा प्रणालीले आगमन क्षेप्यास्त्रलाई रोक्न अथक प्रयास गरिरहेको छ, तर स्थिति अत्यन्त तनावपूर्ण रहेको बताइएको छ।

अन्तर्राष्ट्रिय चासो बढ्यो

अन्तर्राष्ट्रिय समुदायले यस द्रुत गतिमा विकसित घटनाक्रमलाई नजिकबाट नियालिरहेका छन। बढ्दो हिंसा र यस क्षेत्रमा थप अस्थिरताको जोखिममा विश्व नेताहरूले गहिरो चिन्ता व्यक्त गरेका छन्। तत्काल युद्धविरामको लागि आह्वान गर्दै शत्रुताको अन्त्य गर्न कूटनीतिक प्रयासहरू तिब्र पारिेएको छ ।

नागरिकमा पर्ने असर

युद्धबाट सबैभन्दा बढी पीडित नागरिकहरू भएका छन। इजरायली र प्यालेस्टाइन दुवैले द्वन्द्वका कठिनाइहरू सहिरहेका छन तर निर्दोष जीवनहरू क्रस फायरमा फसेका छन्।

जिएनबी