प्रधानमन्त्री पुष्पकमल दाहाल ‘प्रचण्ड’ले सर्वदलीय बैठक बोलाएका छन्। प्रतिनिधिसभा बैठक बस्नुअघि प्रधानमन्त्री प्रचण्डले संसदमा प्रतिनिधित्व गर्ने सात दलको बैठक बोलाएका हुन्। बैठक प्रधानमन्त्री निवास बालुवाटारमा केही समयपछि बस्दैछ।
बैठकमा उच्चस्तरीय छानबिन समिति, संक्रमणकालिन न्यायसम्बन्धी विधेयक (टीआरसी), संघीय निजामती ऐन र विद्यालय शिक्षा विधेयकका बारेमा छलफल गर्न प्रधानमन्त्री दाहालले सर्वदलीय बैठक बोलाएको प्रधानमन्त्रीको सचिवालयले जनाएको छ।
सर्वदलीय बैठकअघि प्रधानमन्त्री प्रचण्ड र नेकपा एमाले ओलीबीच बालुवाटारमा भेटवार्ता भएको थियो। अमेरिका र चीन भ्रमणबाट फर्किए लगत्तै शनिबार नेकपा एकीकृत समाजवादी पार्टीका अध्यक्ष माधवकुमार नेपालसँग भेट गरेका प्रधानमन्त्री दाहालले आज ओलीसँग छलफल गरेका हुन्। प्रतिनिधिसभा बैठक आज दिउँसो १ बजे बस्दैछ। आजको बैठकमा विद्यालय शिक्षा विधेयक पेश गर्ने कार्यसूची रहेको छ।
