रुपन्देहीको मर्चवारीमाई गाउँपालिका–३ स्थित श्रीमती मनराजीदेवी माध्यमिक विद्यालयका लाइब्रेरियन कर्मचारी विकास यादवले सोही विद्यालयमा अध्यनरत १७ वर्षीया छात्रालाई जबरजस्ती करणी गरेका हुन् ।
२०८२ चैत २७ गते यादवले जबरजस्ती करणी गरेको पीडितको आरोप छ । आफूसित शारीरिक सम्बन्ध नराखे परीक्षामा फेल गराइदिने धम्की दिँदै यादवले पटकपटक जबरजस्ती करणी गरेको पीडित छात्राको दावी छ । विद्यालय प्रशासनको दबाब र उदासिनताका कारण घटनालाई सामाजिक तवरबाट समेत दबाउने प्रयास भएको उनको गुनासो छ ।
उनले प्रहरी कार्यालयमा पुगेर पीडकबिरुद्ध किटानी जाहेरी दिएकी छन् । जिल्ला प्रहरी कार्यालय रुपन्देहीका प्रहरी नायव उपरीक्षक गणेश सापकोटाका अनुसार, इलाका प्रहरी कार्यालय मर्चवारमा यादवविरुद्ध जबरजस्ती करणीको मुद्दा दर्ता भइसकेको छ । ‘जाहेरी दर्ता गरेर अनुसन्धान प्रक्रिया अघि बढेको छ’,उनले भने, आरोपी फरार रहेकोले खोजी गरिरहेका छौं ।’
