शहिद लखन गाउँपालिका–६ निवासी मैया श्रेष्ठलाई बोक्सीको आरोप लगाई अपमान र बेइज्जती गरेर दुर्व्यवहार गरेको  आरोपमा शहिद लखन गाउँपालिका–६ घैरुङकी ३१ वर्षीया चमेली भन्ने बिपना श्रेष्ठलाई प्रहरीले असोज ४ गते गिरफ्तार गरेको छ ।

पीडित महिलाले आँफुलाई भदौ २९ गते बोक्सीको आरोप लगाई अपमान र बेइज्जती गरेको भन्दै २०८० असोज ४ गते  जिल्ला प्रहरी कार्यालयमा उजुरी दिनुभएको थियो ।

पीडित महिलाले दिएको जाहेरीका आधारमा आरोपितलाई गिरफ्तार गरि जिल्ला अदालतमा असोज ४ गते बोक्सीको आरोप शिर्षकमा मुद्दा दर्ता गरेर अनुसन्धान सुरु गरेको जिल्ला प्रहरी कार्यालय गोरखाका डिएसपी रमेश कुमार श्रेष्ठले जानकारी दिनुभयो ।