पुतलीबजार नगरपालिका–१३, लाम्पाटा घर भै हाल पोखरा बस्ने ३१ वर्षीया पुर्ण कुमारी राना मगरको हत्याको आरोपमा प्रहरीले स्याङ्जा विरुवा गाउँपालिकाका कमल मास्कीलाई २०८० असोज ४ गते गिरफ्तार गरेको छ ।

पुर्ण कुमारीलाई मास्कीले पुतलीबजार नगरपालिका–१, बैङ्क रोडमा रहेको लाङघाली होटलबाट अचेत अवस्थामा अस्पताल लैजाने क्रममा २०८० असोज ४ गते मृत्यु भएको हुँदा हत्याको आशंकामा मृतकका पतिले कमल मास्की विरुद्ध असोज ४ गते जिल्ला प्रशासन कार्यालयमा उजुरी दिनुभएको छ ।

रानामगरको मृत्यु संकास्पद रहेको जिल्ला प्रहरी कार्यालयका प्रमुख संजय बहादुर राउतले बताउनु भयो । राउतले प्रहरीलाई खबर नगरि अस्पताल लैजानु संकास्पद भएको बताउनुभएको छ ।मृतकलाई पाष्टमार्टमको लागि जिल्ला अस्पताल लगिएको छ ।