गजल

कारागारको झ्यालबाट दृश्य धमिलो लाग्दै छ!
मनोरंजन क्षणिक रहेछ मन अमिलो लाग्दै छ!

मेरो जिन्दगी जसरी कैद भएको छ आज यहाँ
जस्ले षड्यन्त्र गर्यो उसलाई रमाइलो लाग्दै छ!

ईमानदार हुनु बेकार छ! एक्कासौं शताब्दिमा!
जो सोझो छ उसैलाई फलामे साङ्लो लाग्दै छ!

के प्रजातन्त्र! के लोकतन्त्र अनि यो गणतन्त्र!
फासिस्ट् हरुलाई नै यो दिन घमाइलो लाग्दै छ!

शुन्य छ गाउघर सुनसान छ शहर बजार किन?
कंचन थियो “आकाश”किन धुलोमैलो लाग्दै छ!

आकाश अधिकारी (तनहुँ)