उस्तै वर्ण र उही कदको
त्यही उमेर र उस्तै स्वभावको
एउटा कन्या भेटिएको खबर सुनियो
एक कान दुई कान सनसनी फैलियो
आफ्नो आफन्त बोलाइयो
चिने जानेकाहरु झिकाइयो
पालै पालो भेट गराइयो
परिचयपत्र एक एक भिडाइयो
ललितानै भएको प्रमाण जुटाइयो
हर्षित थिइन ति ललिता
हुन सक्छ खुशी पुनर्मिलन को
आशाको दियोले मुहार चम्कियो
हिम्मतको सुनामी आँखामा झल्कियो
खुम्चिएको धमनी शिरा कोशीका छल्कियो
जिब्रो लर्बराउँदै केही भन्न खोज्दै थिइन
नशाहरु प्रष्ट देखिनेगरि मुट्ठी कस्दै थिइन
ठूलो रहस्यको पर्दा खुलाउलाझैं गर्दा
सुन्दर भविस्य तर्फ डोर्याउलाझैं गर्दा
खजनाको भण्डारमा पुर्याउलाझैं गर्दा
आशाको बेलून अनायास खुम्चियो
संकाको घेरा एक्कासि चुलियो
फेरि ललिता हराएको खबर सुनियो
२०८०/०५/२५पोखरा।
