१५वर्षीया बालिकालाई बलात्कार गरेको आरोपमा प्रहरीले अछाम जिल्लाको पञ्चदेवल विनायक नगरपालिका–३ का ३६ वर्षीय सुरेन्द्रबहादुर शाहीलाई भदौ १३ गते गिरफ्तार गरेको छ ।
बालिकालाई दैलेख सदरमुकामबाट सुर्खेत आएको बेला फुपुको घर जान खोजीरहेका सयममा म पुर्याइदिन्छु भन्दै होटेलमा लगेर बन्धक बनाएर भदौ २ गते बलात्कार गरेको उजुरीमा उल्लेख छ । पीडित बालिकाकी बुवाले भदौ १२ गते जिल्ला प्रहरी कार्यालयमा उजुरी दिनु भएको थियो ।
पीडित बालिकालाई आरोपितले वीरेन्द्रनगर नगरपालिका–६, शनिहललाइनमा रहेको ‘यरो थकामीबार एन्ड लज’ मा दुई दिनसम्म बलात्कार गरेको जिल्लाप्रहरी कार्यालय सुर्खेतका डिएसपी लक्ष्मणबहादुर शाहीले जानकारी दिनुभयो ।
पीडित बालिकाको स्वास्थ्य परीक्षण भदौ १३ गते प्रदेश अस्पताल, सुर्खेतको भएको थियो ।
आरोपित केही वर्षदेखि वीरेन्द्रनगरमा अटो चलाएर बस्ने गरेको प्रहरी अनुसन्धानले देखाएको छ । घटनाको थप अनुसन्धान भइरहेको डिएसपी शाहीले बताउनुभयो ।
