तनहुँको ऋषिङ्ग गाउँपालिका वडा नं. ७ की एक नाबालिका जबर्जस्ती करणीका आरोप लागेका झुल बहादुर थापा पक्राउ परेका छन् ।
जिल्ला प्रहरी कार्यालय तनहुँका प्रमुख प्रहरी उपरीक्षक अवदेश विष्ट क्षेत्रीका अनुसार फरार अभियुक्तलाई लमजुङको भोर्लेटारबाट सोमबार पक्राउ गरिएको हो ।
निज झुल बहादुर विरुद्ध जिल्ला प्रहरी कार्यालय तनहुँमा केही समय अगाडि उजुरी परेको थियो ।
उजुरी दर्ता भएसँगै जिल्ला प्रहरी कार्यालय तनहुँले खोजी कार्य सुरु गरेको थियो ।
थापालाई थुनामा राखी घटना बारे थप अनुसन्धान गरिने विष्टले जानकारी दिए ।
