कविलासी नगरपालिका–१० सलेमपुरकी ३१ वर्षीया रिता देवी यादवले आफूलाई दुर्व्यवहार तथा ज्यान मार्ने धम्की दिएको भन्दै मलङ्गवा नगरपालिका–११ का ३८ वर्षीय दिनेश राय यादवविरुद्ध जिल्ला प्रहरी कार्यालय मलङ्गवामा ०८० भादो ७ गते उजुरी दिएकी छिन् ।

आरोपितले पीडितलाई साउन २८ गते दुर्व्यवहार गर्नुको साथै भदौ २ गते कुटपिट गरी ज्यान मार्ने धम्की समेत दिएको पीडितको आरोप रहेको छ । पीडित महिलाको स्वास्थ्य उपचार तथा घाउ जाँच भदौ ७ गते जिल्ला अस्पताल मलङ्गवामा भएको थियो । घटना बारे अनुसन्धान गरी दोषीलाई कानुन बमोजिको कारबाही गर्ने जिल्ला प्रहरी कार्यालय मलङ्गवाका एसपी नरेश राज सुवेदीले जानकारी दिनु भयो ।