गुरुङ फिल्म एशोसियसन नेपाल (GFAN) को १५ औं वार्षिक साधारणसभा  पोखरा सिर्जनाचोक स्थित रहेको गाउँ घर क्याफेको सभाहलमा एक सांस्कृतिक कार्यक्रम बीच सम्पन्न भएको छ ।

गुरुङ चलचित्रकर्मीहरुको साझा संस्था गुरुङ फिल्म एशोसियसन नेपाल (GFAN) ले इतिहासमा उल्लेख गरिए अनुसार गुरुङहरुले आफ्नो मौलिक भाषा, भेषभुषा, संस्कार, संस्कृति, भूगोल र जनजीवनको वास्तविक परिवेशमा कथाहरू कोरिन थाले जसानुसार २०५२ सालमा पहिलो फिल्म “पाते” (माहिली) नामक चलचित्र निर्माण भयो । त्यसपछि गुरुङ फिल्महरु बनाउन एकप्रकारको होडबाजी नै रहेको छ । लामो समयदेखि आफ्नो अस्तित्व, अधिकार र पहिचानको लागि संघर्ष गर्दै आएका गुरुङहरु समुदायभित्र सामाजिक संघ संस्थाहरुको उदयमान हुन थाले । यसैक्रममा इतिहासको प्रमाण बन्नसक्ने गुरुङ फिल्महरुको श्रब्य दृश्य व्यवस्थापन र दस्तावेजीकरण गर्नको लागि २०६५ सालमा विधिवत रुपमा गुरुङ फिल्म एशोसियसन नेपाल (Gurung Film Association Nepal (GFAN) नामाकरण भइ स्थापित भएको संस्था हो ।

यसैगरी स्थापनाकालदेखि हालसम्म आइपुग्दा १५० भन्दा बढी चलचित्रहरु निर्माण भइ बजार बजारीकरणका लागि जिफानमा दर्ता भएको रेकर्ड पाइन्छ । अब छिट्टै मार्कली भन्ने रिलिजको तयारीमा छ भने सैंर्बै ट मनको फुलले भर्खरै छायांकन सकाएको कुरा सुन्नमा आएको छ ।

यसरी गीत संगीत र नृत्य बीच सम्पन्न भएको गुरुङ फिल्म एशोसियसन नेपाल (जिफान) को १५ औं वार्षिक साधारणसभा अध्यक्ष गुन्ज बहादुर गुरुङको अध्यक्षता, नेपाली कांग्रेसका नेतृ एवं गण्डकी प्रदेश सभा सदस्य सरस्वती गुरुङको प्रमुख आतिथ्यतामा, जिफानका निवर्तमान अध्यक्ष एवं सल्लाहकार भोज बहादुर गुरुङको स्वागतमा महासचिव तोल बहादुर गुरुङ (लब्सन) ले औपचारिक सञ्चालन गरेको थियो ।