सिमिकोट गाउँपालिका– ६ स्थित पाबाडाका ६ महिनाका बालक इमरान सुनारको उपचारकै क्रममा साउन २६ गते मृत्यु भएको छ ।
रुघाखोकी लागेर साउन १६ गते जिल्ला अस्पतालमा लगेपनि जिल्ला अस्पतालमा उपचारका लागि आइसियु,भ्यान्टीलेटर र बाल रोग विशेषज्ञ चिकित्सक नहुँदा बालकको मत्यु भएको मृतक बालकका बुवा सुर सुनारले आरोप लगाउनु भयो । उहाँका अनुसार छोरालाई रुघाखोकी लागेर जिल्ला अस्पतालमा लगे पनि उपचार हुन नसकेपछि उपचारका क्रममा मृत्यु भएको बताउनु भयो ।
बालकलाई कडा निमोनिया, झाडा पखाला र रुघाखोकी लागेर अवस्था गम्भीर देखेपछि उपचार गर्न स्रोत साधन को अभाव र बाल रोग विशेषज्ञ चिकित्सक नहुँदा जिल्ला अस्पतालले साउन १८ गते जिल्ला बाहिर सुविधा सम्पन्न हस्पिटलमा रिफर गरेको जिल्ला अस्पतालका निमित्त कार्यालय प्रमुख सरिता बोहराले जानकारी दिनु भयाे ।
अस्पतालले रिफर गरेपनि हुम्लामा नियमित रुपमा हवाई सञ्चालन नभएकै कारण जिल्ला बाहिर उपचार गराउन जान नसकेको मृतक बालकका बुवा सुनारले बताउनु भयो ।
