२६ साउन धार्के
धादिङको धुनिवेशी नगरपालिका वडा नम्बर ६ मा लायन्स तथा लियो क्लबको पदस्थापना, चार्टर हस्तान्तरण एवम् पुरस्कार वितरण कार्यक्रम गरिएको छ ।
ओरेन्ज एग्रो रिर्सोटमा कुटनितिज्ञ डा। निर्मल विश्वकर्माको प्रमुख आतित्थ्यता र साहित्यकार नवराज लम्सालको विशेष आतिथ्यता तथा लायन डिष्ट्रिक्ट गर्भनर सुचित्रा थापाको विशिष्ठ आतित्थ्यतामा कार्यक्रम भएको हो ।
कार्यक्रममा लायन्स क्लब अफ पिस खानीखोलाका निवर्तमान अध्यक्ष श्रीकृष्ण रुपाखेतीबाट प्रदिप कुँवर र लियो क्लब अफ पिस खानीखोलाका निवर्तमान अध्यक्ष सन्तविर तामाङबाट सन्तोष सुवेदीलाई पद हस्तान्तरण भएको छ ।
कार्यक्रममा विभिन्न व्यक्तिलाई सम्मान गरिनुका साथै मायाको चिनो प्रदान गरिएको लायन्स क्लब अफ पिस खानीखोलाका सँस्थापक अध्यक्ष शेखर कार्कीले बताउनु भयो ।
