पोखरामा एक जना साइकल यात्री सेती नदीमा खसेका छन् । आज बिहान पाेखराकाे बागमाराबाट पटनेरीतिर आउँदै गरेका साइकलयात्री पोखरा–२९ पटनेरीस्थित सेती नदीमा खसेका हुन् ।
बागलुङको बडिगाड गाउँपालिका घर भएका भक्तबहादुर राना पटनेरीस्थित सेती नदीमा खस्दा बेपत्ता भएका हुन् ।
३५ वर्षीय राना पटनेरीस्ति सेती नदीमा खसेर बेपत्ता भएको कास्की प्रहरीले जनाएको छ ।
साइकलमा यात्रा गरिरहेका उनी नदीमा खसेको सूचनापछि नदीमा खोजिरहेको जिल्ला प्रहरी कार्यालय कास्कीका सूचना अधिकारी श्रवणकुमार विकले जानकारी दिए ।
राना पोखरा महानगरपालिका ३३ बागमारामा बस्दै आएको प्रहरीले जनाएको छ ।
उनी सेती नदीमा खसेको जानकारी पछि खोजी कार्यका लागि प्रहरी खटाइएको र खसेका हुन या हाम फालेका हुन भन्ने विषय अनुसन्धानमै रहेको प्रहरीले जनाएको छ । पुलको छेऊमा उनकाे चप्पल भेटिएको बताइएकाे छ ।
