मानव बेचबिखन प्रयास घटननका आरोपित सिन्धुली जिल्ला कमलामाई नगरपालिका–२ भद्रकाली का ३४ वर्षीय हरिबहादुर खत्रीलाई साउन ११ गते जिल्ला प्रहरी कार्यालय मलङ्गवाले गिरफ्तार गरेको छ ।
आरोपित खत्रीले तीन जना नेपाली महिलालाई रोजगारीको प्रलोभन देखाई भारत तर्फ लग्दै बेचबिखन प्रयास गरेको आसङ्कामा मलङ्गवा नगरपालिका–८ झिलमिलिया माईस्थानबाट जिल्ला प्रहरी कार्यालय सर्लाहीको विशेष टोलीले गिरफ्तार गरेको जिल्ला प्रहरी कार्यालयका डिएसपी दिपेन्द्र पंजियार थारुले जानकारी
दिनु भयो । आरोपित खत्रीविरुद्ध मानव बेचविखन तथा ओसारपसारको मुद्दा ०८० साउन १२ गते दर्ता भएको र सोही दिन जिल्ला अदालतबाट पाँच दिनको म्याद थप गराई आवश्यक अनुसन्धान भइरहेको डिएसपी थारुले जानकारी दिनु भयो ।
घटनामा अन्य व्यक्तिहरूको पनि संलग्न हुन सक्ने आशङ्कामा अनुसन्धान भइरहेको जिल्ला प्रहरी कार्यालय मलङ्गवाका डिएसपी थारुले जानकारी दिनु भयो ।
