माेरङकाे विराटनगर महानगरपालिका–१२ की २१ वर्षीया सुष्मा रायको मृत्य रहस्यमय भएकाले आत्महत्या नभई हत्या भएको पीडित पक्षले आरोप लगाएको छ ।
सुष्माको लास साउन ७ गते घरको खाटमा राखिएको अवस्थामा माइती पक्षलाई खबर दिएपछि सुष्माले झुण्डिएर आत्महत्या गरेको नभई हत्या गरिएको काका सन्तोष रायले बताउनु भयो ।
२३ वर्षीय पति सुरज शर्माले ०८० साउन ६ गते कुटपिट गरेको भन्दै सुष्मा विराटनगर महानगरपालिका–१२ सैनिकटोल स्थित माइती घरमा आएको र आफूहरूले सम्झाएर घर पठाएको चौविसै घण्टा नबित्दै सुष्माले आत्महत्या गरेको खबर पाएको काका सन्तोष रायले बताउनु भयो ।
भाजितीको घर साउन ७ गते बिहान २ बजे पुग्दा लासलाई खाटमा राखिएको अवस्थामा फेला परेको काका सन्तोष रायले बताउनु भयो ।
सुष्माका पति सुरजले पत्नीले झुण्डिएर आत्महत्या गरेको देखेपछि आफूहरूले डोरी काटेर खाटमा लासलाई राखेको बताएपछि आत्महत्या नभई हत्या भएको आरोपमा पीडितको आरोप छ ।
पीडित पक्षले आरोपित सुरजविरूद्ध जिल्ला प्रहरी कार्यालयमा साउन ७ गते मौखिक उजुरी दिएको छ ।
झुण्डिएको लासको डोरी काटेपछि उपचारका लागि अस्पताल लैजानु पर्नेमा घरमै राखिएकाले घटना शङ्कास्पद रहेको जिल्ला प्रहरी कार्यालयका डिएसपी दीपक पोखरेलले बताउनु भयो ।
पीडित पक्षले आरोपितविरूद्ध मौखिक उजुरी दिएको भएपनि शवको पोष्टमार्टम रिपोर्ट र भिसेरा रिपोर्टपछि मात्र कानुनी कारबाही अघि बढाउने डिएसपी पोखरेलले बताउनु भयो ।
शवको पोष्टमार्टम साउन ७ गते कोशी अस्पताल, विराटनगरमा गरिएको छ ।
पीडित पक्षले साउन ७ गते शव बुझी विराटनगर महानगरपालिका–१२ स्थित सैनिक टोलमा सद्गत गरेको छ ।
