पोर्ट सुडान एयरपोर्टमा आइतबार सिभिल एयरक्राफ्ट दुर्घटना भएको छ। दुर्घटनामा परी चार सैनिकसहित नौ जनाको मृत्यु भएको बताइएको छ।
दुर्घटनामा एक जना बच्चा बाँच्न सफल भएका छन्। उनलाई उपचारका लागि अस्पतालमा भर्ना गरिएको छ।
समाचार संस्था एएफपीले सैनिकलाई उद्धृत गर्दै विमान प्राविधिक कारणले दुर्घटना भएको लेखेको छ।
सन् २०२१ मा सुडानको राजधानी खार्तुममा एक सैन्य विमान दुर्घटना भएको थियो। दुर्घटनामा परी लेफ्टिनेन्ट कर्नेलसहित तीन उच्च अधिकारीको मृत्यु भएको थियो।
