प्रधानमन्त्री पुष्पकमल दाहालले गत साता दिएको अभिव्यक्तिप्रति गल्ती महसुस गर्दै त्यो आफ्नो भावनात्मक अभिव्यक्ति भएको स्पष्टीकरण दिएका छन् ।
असार १८ गते प्रधानमन्त्रीले दिएको अभिव्यक्तिलाई लिएर एमालेले उनको राजीनामा माग्दै निरन्तर ससद अवरुद्ध गरेपछि दाहालकाे स्पष्टीकरण आएको हाे।
प्रतिनिधिसभाको सोमबारको बैठकमा आफ्नो विवादास्पद अभिव्यक्तिबारे स्पष्टीकरण दिँदै उनले यस्तो बताएका हुन् । प्रमुख प्रतिपक्ष दल नेकपा (एमाले) ले ५ दिनदेखि लगातार संसद् अवरुद्ध गर्दै आएको थि ।
प्रधानमन्त्री दाहालले भने,’प्रधानमन्त्रीको रूपमा मैले त्यो भाषा बोल्नुहुन्नथ्यो । त्यो दिन म ज्ञानुको बुवा भएर बोलेको थिएँ ।’ उनले आफ्नो भावनात्मक शैली रहेको र यो आफ्नो कमजोरी रहेको महसुस आफूले गरेको बताए ।
अवरुद्ध संसद् खुलाउने क्रममा प्रधानमन्त्रीले सम्बोधन गरेका हुन् । यस अघि प्रधानमन्त्री दाहाल, नेपाली कांग्रेसका सभापति शेरबहादुर देउवा र प्रमुख प्रतिपक्ष दल नेकपा एमालेका अध्यक्ष केपी शर्मा ओलीबीच संसद्को अवरोध खुलाउनेबारे सोमबार छलफल भएको थियाे ।
छलफलमा भएकाे सहमति पछि प्रधानमन्त्रीकाे ससदमा स्पष्टीकरण आएकाे हाे ।
