काठमाडौँ । प्रधानमन्त्री पुष्पकमल दाहालले साहित्य र सिर्जनाले जनताको भावना बोल्न सक्नुपर्ने बताएका छन्। सोमबार बिहान पुष्पलाल प्रतिष्ठानद्वारा आयोजित पुष्पलाल राष्ट्रिय पुरस्कार २०७९ समर्पण समारोहलाई सम्बोधन गर्दै प्रधानमन्त्रीले ‘‘जनताको निकै ठूलो त्याग र बलिदानबाट निर्मित संविधानले समाजवादोन्मुख राज्य निर्माणको संकल्प गरिसकेका कारण हाम्रा सिर्जनाहरूसमेत समाजवादको वैचारिक एवं सांस्कृतिक आधार निर्माणमा केन्द्रित रहनुपर्ने’ बताएका हुन् ।
उनले जनताको निकै ठूलो त्याग र बलिदानबाट निर्मित संविधानले समाजवादोन्मुख राज्य निर्माणको संकल्प गरिसकेका कारण सिर्जनाहरूसमेत समाजवादको वैचारिक एवं सांस्कृतिक आधार निर्माणमा केन्द्रित रहनुपर्नेमा जाेड दिनु भएकाे छ ।
पुष्पलाल राष्ट्रिय पुरस्कार २०७९ बाट ३ जना स्रष्टा सम्मानित भएका छन् । पुष्पलाल राष्ट्रिय पुरस्कार २०७९ बाट पुरस्कृत हुनेहरूमा डा. बालचन्द्र मिश्र ,कमलप्रसाद कोइराला र गोपालप्रसाद थपलिया रहेका छन् ।
नेपाल सरकार संस्कृति पर्यटन तथा नागरिक उड्डयन मन्त्रालय सिंहदरबारले आयोजना गरेको कार्यक्रममा सोमबार प्रधानमन्त्रीको सरकारी निवास बालुवाटारमा आयोजित स्रष्टालाई सम्मान गरिएको हो ।
कार्यक्रमका प्रमुख अतिथि तथा प्रधानमन्त्री दाहाल सहित नेकपा एकीकृत समाजवादीका अध्यक्ष तथा पुष्पलाल स्मृति प्रतिष्ठानका अध्यक्ष माधवकुमार नेपाल र संस्कृति पर्यटन तथा नागरिक उड्डयन मन्त्री सुदन किराँतीले सम्मान सहित नगद पुरस्कार दिएर सम्मान गरेका हुन् ।
