पृथ्वी राजमार्गकाे मापदण्डमा रहेका सरचना हटाएर खाली गर्न पाेखरा महानगर पालिकाले डाेजर चलाएकाे छ । पोखराको पृथ्वीचोकदेखि विजयपुर पुलसम्म “राइट अफ वे” मा परेका संरचना साेमबार महानगरले डाेजर लगाएर हटाउन शुरु गरेकाे हाे ।
महानगर प्रमुख धनराज आचार्यको नेतृत्वमा सडक विभागका प्रतिनिधि र नगर प्रहरीसहितको टोलीले सडक मापदण्डभित्र पर्ने संरचना हटाएको हो ।
महानगरले सार्वजनिक सूचना जारी गरी सोमबारदेखि सो सडक खण्डको दायाँबायाँ रहेका अवैध संरचना हटाउन शुरु गरेको हो। सो क्षेत्रको दूरी १०.६ किलोमिटर रहेको छ। पृथ्वी राजमार्गको स्तरोन्नतिको लागि अवैध संरचना हटाउनुपर्ने भएकाले सो क्षेत्रमा डोजर चलाइएको पोखरामा मेयर धनराज आचार्यले बताए।
पोखरा मुग्लिङ सडक विस्तार आयोजना अन्तर्गत पोखरा पृथ्वीचोकदेखि कोत्रेसम्मको पृथ्वी राजमार्गको दायाँ बायाँभित्र रहेका निर्मित संरचना तथा सवारी साधनहरू लगायत अन्य सामाग्रीहरू हटाउने कार्य अन्तर्गत पहिलो चरणमा पृथ्वीचो देखि विजयपुरसम्मको क्षेत्र खाली गराउने कार्य सुरु गरिएको हाे ।
