बिकास लुङ्गेली
अवतारि महाराज कहाँबाट आयो
संसदको हुर्मत हंगामा भयो
जादुको छडी चलाउँछु भन्छ
जलजला पहाड ढलाउँछु भन्छ
स्वर्गको सुख म दिन्छु भन्छ
यो देशको ठेक्का मै लिन्छु भन्छ
आत्मनिर्भर बनाउँछु भन्छ
दु:खको दिन भगाउँछु भन्छ
हावामा खेती लगाउँछु भन्छ
अन्नको भण्डार बनाउँछु भन्छ
थाहा छैन उस्लाइ हलो केले बन्छ
खेत बारी सबै गफैले खन्छ
पशुपतिनाथ लाई पुकार्छु भन्छ
उसिनेको मकै उमार्छु भन्छ
यो देश त मेरो पुर्खाको भन्छ
कत्रो दुःखले हुर्काको भन्छ
औकातमा बस्न उपदेश दिन्छ
जंगली सेर झैं गर्जन सुनिन्छ
रैती लाई सवक सिकाउँछु भन्छ
पुरानै शासक झिकाउँछु भन्छ
जंगे को मुलुकीऐन जगाउँछु भन्छ
एक एकलाई ठेगान लगाउँछु भन्छ
२०८०/०२/२९पोखरा
