राज स्थानमा एक व्यक्ति ६ महिने नातिनीलाई छोडेर आफ्नै बुहारीसँग भागेका छन् । घटना बुन्डी जिल्लाको सिलोर गाउँको हो । पवन वैरागी नामका व्यक्तिले यसबारे सदार प्रहरी चौकीमा उजुरी दिएपछि घटना बाहिरिएको हो । वैरागीले आफ्नो उजुरीमा उनका बुवा रमेश वैरागी उनकी श्रीमतीसँग भागेको बताएका छन् । यसका साथै, बुवाले आफ्नी श्रीमतीलाई ललाइफकाइ गरी भगाएर लगेको पनि बताएका छन् । उनले श्रीमतीलाई निर्दोष बताएका छन् ।
पवनले दाबी गरेअनुसार उनका बुवा अन्य अवैध काममा पनि संलग्न छन् । बुवाले उनको साइकल चोरेर श्रीमती भगाएको उजुरी प्रहरीलाई दिएका छन् । प्रहरीले घटनामा राम्रोसँग छानबिन नगरेको पनि आरोप लगाए । पवनको आरोपलाई सम्बोधन गर्दै सदर स्टेसन अधिकारी अरविन्द भारद्वाजले यो घटनाबारे राम्रोसँग अनुसन्धान गरिरहेको र आफूहरूले भागेका जोडी र चोरिएको साइकलको खोजी गरिरहेको जानकारी दिए ।
