राप्रपाले राष्ट्रपति निर्वाचनमा मतदान नगर्ने निर्णय गरेको छ।
आज बसेको केन्द्रीय कार्यसम्पादन समिति बैठकले भोलि हुने राष्ट्रपति निर्वाचनमा तटस्थ बस्ने निर्णय गरेको प्रवक्ता मोहन श्रेष्ठले जानकारी दिए।
पार्टी कार्यालय धुम्वाराहीमा बसको कार्यसम्पादन समितिको बैठकपछि सर्वसम्मत रुपमा मतदानमा सहभागी नहुने निर्णय गरेको बताए ।
उनले भने, ‘सैद्धान्तिक रुपमा राष्ट्रपति भन्ने संस्थासँग हाम्रो फरक मत छ । त्यो आफ्नो ठाउँमा छ । तर, त्यो भन्दापनि राष्ट्रपतिलाई संविधानले संवैधानिक, सेरोमोनियल, अभिभावकीय, निष्पक्ष संस्थाको परिकल्पना गरेको छ ।’
अहिले उम्मेदवार बनेका दुवैजना सक्रिय राजनीतिमा रहेको उनको भनाइ छ ।
‘उहाँहरु हालै मात्रै प्रतिनिधि सभामा फरक फरक राजनीतिक दलबाट निर्वाचित हुनुभएको छ। उहाँहरुबाट अभिभाविकय भूमिका र निष्पक्षता हामीले परिकल्पना गर्न सक्दैनौँ। त्यसैले यो निर्वाचनमा तटस्थ बस्न उचित हुन्छ भन्ने निष्कर्ष निकालेका हौं’ अध्यक्ष लिङ्देनले भने ।
