सुकुमबासी , नाङ्ले व्यापारी, ठेलावाल , मकै पोल्नेहरू आदि उनको ठूला शत्रुहरू हुन् । कहिले सुकुमबासी बस्तीमा डोजर पठाएर गरिब एवम् भूमिहीन सुकुमवासीहरूको छाप्राहरू उधिन्छन् । कहिले लेनदेनको हिसाब किताब मिलाउन नमान्ने पार्किङ वाला घर धनीको घरै भत्काउने उदन्डता देखाउछन् ।

सुकुमबासीहरू बालेन श्री तीनका प्रमुख शत्रु भएकैले ती सबैलाई बिल्लिबाठ बनाउन कहिले गृहमन्त्री सँग त कहिले प्रधानमन्त्री सँग बल प्रयोगको अनुमति र सहयोग लिन हात धोएर लागिपरिरहेकै छन् ।

                                                               

                    बालेन श्री तीनलाई जसरी भए पनि दिनहुँ चर्चामा आउनु छ । यमबुद्धको शालिक बनाउन नदिएको दिन देखि श्री तीनको मानसिक विक्षिप्तता दिनानुदिन बढोत्तरीमा छ । विनासक एवम् विध्वंसको एक्लो महारथि बनेका बालेन श्री तीन चर्चा मा आउने कुनै हथकण्डा नफुरे पछि शारीरिक अपाङगता भएका बृद्ध र उनको ह्वील चियरलाई पक्राउ गर्न पुगेका छन् ।

श्री तीन बालेनलाई लाग्दो हो म महाराज भएको महानगरमा नाथे अपाङ्गता भएको बृद्धको के काम ! उनलाई लाग्दो हो ह्वील चियरले उनको शानसौकत गिराएको छ । उनको ब्रान्डेड कालो चश्माको अपमान भएको छ ।

       यो चरम अन्याय-अत्याचार चुपचाप हेरेर आजको मूर्दा समाज थप चुपचाप छ । श्री तीनका आसे, गाँसे, ढोके, चम्चे रैती सेनामेनाहरू छुपचाप छन् । सामाजिक न्यायको पक्षमा वकालत गर्नेहरू फाट्टफुट्ट बोलेका पनि छन् । तर शासक ले सुन्नेगरि बोलेका देखिदैनन् ।यो दलाल पूँजीवादी राज्यसत्तामा आम जनता कहिल्यै मालिक हुँदैनन् ।सर्वभौम अधिकार सम्पन्न हुँदैनन् ।

      चुनाम अघि एक आम नागरिक रहेको बालेन चुनाब पछि कसरी एकाएक क्रुर शासक बन्न सक्दो रहेछ भन्ने सरल कुरा बुझ्न बालेनका पछिल्ला हर्कतहरू हेरे पुग्छ । बालेन राम्रो जान्दछन् कि यो व्य्वस्था भनेकै कुलीनहरूको व्यवस्था हो । यो व्यवस्थामा गरिब , सर्वहारा श्रमजीवी, किसान, मदजुरहरूको कुनै स्थान छैन । बालेन राम्रो सँग जान्दछन् कि उनीहरूको आधारभूत आवस्यकता , अधिकार आदि प्रति कुनै जवाफदेहिता हुन आवस्यक छैन ।

मालिक जन्माइरहने यो व्यवस्था बढार्ने बेला आइसकेको छ । बालेन र बालेनहरूका मात्रै स्वर्ग बनेको यो व्यवस्था ढाल्न भुइँ अब निर्मम आक्रोश सहित जुर्मुराउन जरूरी छ