अभियान हाम्रो डट कम
नेली छाँया जस्तो
बिर्सी जाने माया जस्तो
मेरो पुरानो साथी
धेरै मोर्चा को सहयात्री
राजनैतिक कखराका चेला
भु.पु.कमरेड आधारशिला
चाहे सामाजिक संजालमा
चाहे प्रत्येक्ष भेटघाटमा
निकै नै सक्रिय
उनको दिनचर्या खास हुन्छ
प्राय हरेक दिन विशेष हुन्छ
कहिले कसैको अन्न प्राशन
कहिले कसैको जन्मदिन
छेओर,पास्नी,व्रतबन्ध
विभिन्न नयाँ वर्ष
प्राय सबै धार्मिक चार्ड पर्व
भ्यालेनटाइन देखि सावर डे
होलिडे देखि गुड फ्राइडे
विशेष बनाउँछन्
उच्च पदस्थ अधिकारी संगको फोटो
निरन्तर प्रसारित गरिरहन्छ
कहिले जन्मदिनको
कहिले वैवाहिक बर्ष गाँठको
कहिले सत्तारोहणको
कहिले पदोन्नतिको
शुभकामना आइरहन्छन
त्यसै क्रममा
उ आज पोखरा आउंदै थियो
उसको यात्रा गतिविधि हेर्दै थिएँ
एक्कसी मेरो बाटोमा देखेँ
तर मैले नदेखेझैं गरें
उसले गाडीको हर्न बजायो
म नसुनेँझैं साइकल बढाएँ
उ अझै अघि बढ्यो
मेरो बाटो छेक्यो
करोडौंको गाडिबाट सिसा खोल्यो
रबाफिलो ढंगले बोल्यो
ओहो कमरेड आरामै?
अहिलेसम्म साइकलमै?
ani way आउनुस बस्नुहोस
धेरै पछि भेट भएकाछौं कतै बसौं न
आज मौसमपनि चिसो छ जमौ न
मैले इन्कार गरें
अनि आफ्नो साइकलतिर हेरें
ताला नभएको बहाना गरें
वहाँ हाँस्दै भन्नुभो
ह्या कमरेड कस्तोहो
जाबो साइकलको यत्रो चिन्ता?
दुई हजारको साइकल कस्ले लान्छ?
हरायो भने पाँच हजार दिउँला
नभए अर्कै साइकल किनौला
तर जानै पर्छ
बसेर केही खानै पर्छ
साथिले त्यसरी भन्दा मन बेचैनी भयो
वहाँ संग बस्ने चाहाना नै मर्यो
बिकाश सर को वाल बाट
