भरतपुर महानगरपालिकामा रोकिएको मतगणना फेरि सुरू हुने भएको छ।
मुख्य निर्वाचन अधिकृतले सूर्यमा लगाइएको छाप धमिलो भएको कारणले बदर गरिदिएकोमा एमाले प्रतिनिधिहरूले विरोध जनाएपछि मतगणना रोकिएको थियो।
त्यसपछि प्रमुख निर्वाचन अधिकृतले बोलाएर बसेको सर्वदलिय बैठकले उक्त मतपत्र बदर नै गर्ने सहमति गरेपछि मतगणना फेरि सुरू भएको हो। सर्वदलिय बैठकले धमिलो छाप लागेका सबै मतपत्र बदर गर्ने सहमति गरेको छ।
यसअघि त्यस्तै अरु छापलाई सदर गरेको तर अहिले सूर्यको छापलाई बदर गरिएको उनीहरूको आरोप थियो। बैठकमा पनि एमालेले यही कुरा राखेको थियो। तर मुख्य निर्वाचन अधिकृतले उक्त मत सदरमा गन्न नमानेपछि एमाले प्रतिनिधि बाहिर आएका थिए। बाहिर आएर उक्त मत बदर नै गर्ने कुरामा सहमत भएर फर्किए।
सर्वदलिय बैठकले भने धमिलो छाप लागेका सबै मतपत्र बदर गर्ने सहमति गरेको छ।
