पोखरा -अभियान खबर।
बैशाख १९
पत्रकार सनत सापकोटाद्वारा लिखित संस्मरणात्मक कथाहरूको संग्रह ‘जरा’ हालै प्रकाशित भएको छ । आफ्ना बाल्यकालीन स्मृतिहरूलाई समेटेर सापकोटाले पुस्तक निकालेका हुन् ।
विधागत रूपमा सापकोटाले यस संग्रहलाई संस्मरणात्मक निबन्ध नभनेर ‘कथास्मरण’को संज्ञा दिएका छन् । १७ थान छुट्टाछुट्टै रचनालाई संग्रहको रूप दिइएको यो कृति सरल भाषा र कथात्मक शैलीमा लेखिएको छ । यसअघि विभिन्न पत्रपत्रिकामा छापिएका संस्मरणात्मक आलेखहरू पुस्तकमा समेटिएको हो । हाम्रो पूर्णिमा साहित्य प्रतिष्ठान कोहलपुरले प्रकाशन गरेको सापकोटाको यो कृति लेखकको बाल्यकालीन स्मृतिहरूको संग्रह हो ।
पत्रकार सापकोटा भन्नू हुन्छ : ‘जरा’ मेरो पहिलो प्रयास हो । हालसालै पुस्तक प्रकाशित भएर हात परेको छ । यो मेरा विशेषगरी बाल्यकालिन संस्मरणात्मक कथाहरुको संग्रह हो । यसको वितरणलाई अझै व्यवस्थित बनाउन सकिएको छैन । पुस्तक पाइने स्थान अहिलेलाई सीमित छन् । काठमाडौँमा भूगोलपार्क, कोहलपुरमा आकांक्षा ट्रेडर्स (सागर गैरे फोन नम्बर ९८५८०२२२९३), बाँसगढीका विभिन्न पुस्तक पसलहरुमा पुस्तक पाइनेछ । वितरणलाई अझ फराकिलो बनाउने प्रयास जारी छ ।
