९ वैशाख, रामेछाप
अभियान खबर
अल्चना श्रेष्ठ
नेकपा एमाले रामेछापको मन्थली नगरपालिकाको नगर प्रमुखमा लव श्रेष्ठलाई सर्वसम्मत रुपमा चयन गरेको छ ।
मन्थली नगर कमिटीको बैठकले लव श्रेष्ठ लाई सर्वसम्मत रुपमा अध्यक्षको उम्मेदवार बनाउने निर्णय गरेर एमाले रामेछापका अध्यक्ष आन्नद श्रेष्ठले जानकारी दिए । उनी एमाले बागमती प्रदेश कमिटी सदस्य समेत रहेका छन् । मन्थलीबाट आधार दर्जन नेताहरु नगर प्रमुखको आकांक्षी रहेपनि सहमतिबाटै एमाले बागमती प्रदेश कमिटीका सदस्य श्रेष्ठ नगर प्रमुखको उम्मेदवार बनेका हुन् ।
गत निर्वाचनमा एमालेबाट निर्वाचित रमेश कुमार बस्नेत हाल एकीकृत समाजवादी रामेछापका जिल्ला अध्यक्ष रहेका छन् । अध्यक्ष श्रेष्ठका अनुसार रामेछापको ६४ मध्ये ४० भन्दा बढी वडामा सर्वसम्मत रुपमा वडा अध्यक्षको उम्मेदवार चयन भइसकेका छन् ।
