अभियान खबर
बैशाख ५ ,

हिमालयन हाइड्रोपावर लिमिटेड (HHL)ले २२ करोड ५० लाख रुपैयाँ बराबरको आइपीओ निष्कासनका लागि नेपाल धितोपत्र बोर्डबाट अनुमति पाएको छ । हाइड्रोपावरले कुल २२ लाख ५० हजार कित्ता आइपीओ बिक्री गर्न अनुमति पाएको हो ।

हाइड्रोपावरले आयोजना प्रभावित स्थानीय र सर्वसाधारणका लागि आइपीओ निष्कासन गर्न लागेकाे हाे । यस आइपीओलाई रेटिङ एजेन्सी इक्रा नेपालले ‘ग्रेड ४’ रेटिङ दिएको छ । हाइड्रोपावरकाे बिक्री प्रबन्धककाे सम्पूर्ण कार्य ग्लोबल आइएमई क्यापिटलले गर्ने भएकाे छ ।

हिमालयन हाइड्रोपावर लिमिटेड सन् २००४ मा स्थापना भएको कम्पनी हो । कम्पनीले कास्कीमा ११.८८ मेगावटको नमर्जुन मादी हाइड्रोपावर निर्माण गरिरहेको छ । यस आयोजनाको ८० प्रतिशत भौतिक प्रगति भएको छ । यसको कुल लागत २ अर्ब २७ करोड ३० लाख रुपैयाँ र  प्रतिमेगावाट लागत १९ करोड १० लाख रुपैयाँ छ । हाल कम्पनीको चुक्ता पुँजी ६६ करोड ४० लाख रुपैयाँ छ ।