माओवादी केन्द्र पनि भरतपुरको मेयर छाड्न तयार छैन । मेयर रेनु दाहाल भन्छिन्, ‘अरूका लागि प्रतिष्ठाको विषय हुन्छ भने हाम्रा लागि झनै हुन्छ नि ! हामीले भरतपुरमा काम गरेर देखाएका छौं, हाम्रो आधार छ । त्यसैले हाम्रो बटमलाइन हो, भरतपुर छोड्दैनौं ।’
सत्तारुढ गठबन्धनमा सहमति जुट्ने उनको दाबी छ । नभए माओवादीले एक्लै भएपनि चुनाव लड्ने उनी बताउँछिन् । मेयर रेनुले अघि भन्छिन्, ‘माओवादी केन्द्रमा (मेयरको उम्मेदवारमा) मेरो नाम निर्विकल्प जस्तै छ ।’
