मोरङ प्रहरीले  विराटनगरबाट एक जनालाई  पक्राउ गरेको छ  । ३२ वर्षीया श्रीमती कोमलकुमारी साहको हत्या गरेको आरोपमा प्रहरीले  विराटनगर महानगरपालिका–१५ हडताली  हाटका श्रीमान रोशन साहलाई  मंगलबार राती पक्राउ गरेको हो ।  विराटनगर–१७ स्थित छाला फ्याक्ट्री पश्चिमको कल्भर्टमुनि मंगलबार साँझ तन्नामा  पोको पारेर फयाँकेको सडिसकेको महिलाको शव फेला परेको थियो ।

शव बरामद गरेर सनाखत गरेर प्रारम्भीक अनुसन्धान गर्न ईलाका प्रहरी रानीले  श्रीमान रोशनलाई पक्राउ गरेको हो । मोरङ प्रहरी प्रवक्त्ता डिएसपी लिलाराज लामिछानेका  अनुसार  श्रीमती कोमलकुमारी हराएको भन्दै ८ चैतमा श्रीमान रोशनले इलाका प्रहरी रानीमा खोजी गरिदिन निवेदन दिएका थिए । तर प्रारम्भिक अनुसन्धानका क्रममा श्रीमती कोमल ६ चैतदेखी हराइरहेको र शव बेरेको तन्ना पनि घरकै भएको खुलेपनि प्रहरीले थप अनुसन्धानका लागि श्रीमान रोशनलाई मंगलबार राती नै पक्राउ गरेको थियो ।