झापाको भद्रपुर नगरपालिका–८ स्थित क्याम्पस मोड बस्ने ३७ वर्षीय यशिस घिमिरे उक्त अभियोगमा समातिएका हुन् ।
उनले आफ्नी ७९ वर्षीया आमा चन्द्रमायालाई निर्मम कुटपिट गरेर घाइते बनाएको भिडिओ आज बिहानदेखि सामाजिक सञ्जालमा भाइरल भएको थियो । त्यसपछि झापा प्रहरीले उनलाई नियन्त्रणमा लिएको हो ।
यशिसमाथि कारबाही प्रकिया अघि बढेको र घाइते चन्द्रमायाको उद्धार गरी स्वास्थ्योपचार भइरहेको प्रहरीले जनाएको छ ।
