नेपालमा आगामी फागुन २१ गते (मार्च ५, २०२६) हुने प्रतिनिधि सभा निर्वाचनको रौनकले सात समुन्द्र पारि रहेका नेपालीहरूलाई पनि छोएको छ। यसै क्रममा, लन्डनमा बसोबास गर्दै आएका एक उत्साही युवा नेकपाका समर्थक आफ्नो मताधिकार प्रयोग गर्न र ‘देश बचाउने’ अभियानमा सहभागी हुन नेपाल प्रस्थान गरेका छन्।
लन्डनको हिथ्रो विमानस्थलमा देखिएका ती यात्रीले आफ्नो लगेजमा नेकपाको प्रतीक ‘तारा’ अंकित चिन्ह लगाएर सबैको ध्यान आकर्षित गरेका थिए।
उनले आफ्नो व्यक्तिगत लगेजमा रातो पृष्ठभूमिका तारा चिन्हहरू टाँसेर आफ्नो राजनीतिक आस्था र स्पष्ट वैचारिक अडान प्रदर्शन गरेका छन्।
विमानस्थलमा कुराकानी गर्दै उनले भने— “अहिलेको कठिन परिस्थितिमा देशलाई जोगाउन र सही नेतृत्व छनोट गर्न एउटा भोटको ठुलो महत्त्व हुन्छ। त्यसैले म आफ्नो काम र व्यस्तता छाडेर नेपाल जान लागेको हुँ।” प्रवासमा रहेर पनि आफ्नो पार्टी र देशप्रतिको यो लगावलाई अन्य नेपालीहरूले पनि प्रशंसा गरेका छन्।
पछिल्लो समय नेपालको राजनीतिमा युवाहरूको चासो बढ्दै जाँदा, विदेशमा रहेका नेपालीहरू मतदानका लागि मात्रै नेपाल जाने क्रम बढ्दो छ। लन्डनबाट प्रस्थान गरेका यी यात्री त एक प्रतिनिधि पात्र मात्र हुन्; उनी जस्ता सयौँ युवाहरू अहिले ‘भोट हाल्न घर फर्क’ अभियानमा जोडिएका छन्।
”मेरो लगेजमा भएको यो तारा मात्र होइन, यो मेरो देशप्रतिको आशा र विश्वास हो। हामी प्रवासमा भए पनि हाम्रो मन सधैँ नेपालमै हुन्छ।” – नेपाल प्रस्थान गर्नुअघि ती यात्रीको भनाइ। साभार
