काठमाडौं । सर्वसाधारण जात–धर्म, नेकपा एमाले, राजावादी, स्वतन्त्र तथा विभिन्न राजनीतिक–सामाजिक पृष्ठभूमिबाट आएका २५ जना नयाँ Gen Z युवाहरूलाई GenZ RedForce Nepal मा औपचारिक रूपमा स्वागत गरिएको छ। नयाँ सदस्यहरूको प्रवेशसँगै संगठन थप सबल, सजग र संगठित बनेको नेतृत्वको दाबी छ।
GenZ RedForce Nepal ले जनहित, सुशासन, सामाजिक न्याय, राष्ट्रिय स्वाभिमान तथा युवाको अधिकारका पक्षमा अझ सशक्त रूपमा अघि बढ्ने प्रतिबद्धता व्यक्त गरेको छ। नयाँ युवाहरूको सहभागिताले संगठनलाई नयाँ ऊर्जा, नयाँ दिशा र नयाँ संघर्षको मार्ग प्रदान गरेको संगठनका नेताहरूले बताएका छन्।
संगठनले भ्रष्टाचार, दलाल प्रवृत्ति र लुटतन्त्र चलाउने शक्तिहरूविरुद्ध अब निर्णायक संघर्ष सुरु हुने चेतावनी पनि दिएको छ। “अब परिवर्तनको झड्का कसैले रोक्न सक्दैन,” भन्ने उद्घोषसहित संगठन नयाँ आत्मविश्वासका साथ अघि बढेको बताइएको छ।
कार्यक्रममा सहभागी नवप्रवेशी युवाहरूले देश परिवर्तनको आन्दोलनमा आफ्नो सक्रिय, जिम्मेवार र प्रतिबद्ध भूमिका रहने प्रतिबद्धता जनाएका छन्। उनीहरूले अबको आन्दोलन युवाकै नेतृत्वमा अघि बढ्ने विश्वास व्यक्त गरेका छन्।
GenZ RedForce Nepal ले आगामी दिनमा देशव्यापी संगठन विस्तार, जनजागरण अभियान तथा सुशासनका लागि संघर्षलाई अझ तीव्र बनाउने जनाएको छ।