पोखरा, पुस
पोखराको पार्दी माविमा सम्पन्न भएको १७ नम्बर वडाअध्यक्ष कप तेस्रो विद्यालय स्तरीय बुद्धिचाल प्रतियोगिताको उपाधी छोरेपाटन माविले जितेको छ । महतगौंडा स्थित ढुँगेसाँघु बोर्डिङ स्कुललाई पराजित गर्दै छोरेपाटनेले उपाधी जितेको हो । प्रतियोगितामा घारीपाटनको हिमालयन बोर्डिङ स्कुल तेस्रो भयो भने इएक्स बोडिङ स्कुल सान्तवना भएको छ ।
दुई दिनसम्म चलेको उक्त प्रतियोगिताका विजेतालाई गण्डकी प्रदेश बुद्धिचाल संघका अध्यक्ष तथा कार्यक्रम समयोजक युवराज भण्डारी, तथा वडा नं. १७ का जन प्रतिनििध बिक्रम गुरुङ वडाका सचिव सुरेन्द्र गुरुङ् लगायत विशिष्ट व्याक्तिहरुले पुरस्कार तथा प्रमाणपत्र वितरण गरेका थिए ।
समापन कार्यक्रममा अध्यक्ष भण्डारीले बुद्धिचाल खेललाई अन्तर्राष्ट्रिय स्तरमा लैजान विद्यालय स्तरबाट नै विभिन्न प्रतियोगिताहरु हुनुपर्नेमा जोड दिएका थिए । जनप्रतिनिधि गुरुङ्ले आगामी दिनमा वुद्धिचाल खेललाई अझै विस्तार र परिस्कृत गर्दै लगिने बताए । बुद्धिचाल खेलको विकासमा वडाबाट हुनसक्ने सहयोगमा सधै आफु लगायत वडा कार्यलय तत्पर रहेको उनले प्रतिवद्धता व्यक्त गरे । कार्यक्रम को आयोजना वडा नम्बर १७ले गरेको थियो ।
अजय क्षेत्री
