जस्मिन पेन्ट्सले पोखराका ग्राहक ग्यालेक्सी बैंककुइटका सञ्चालक दामोदर डुम्रेलाई बम्पर उपहारअन्तर्गतको स्कुटर हस्तान्तरण गरेको छ । शनिबार आयोजित कार्यक्रममा पोखरा हार्डवेयर एसोसिएसनका अध्यक्ष शेषकान्त ढकाल, जस्मिनका नेसनल सेल्स म्यानेजर डिल्लीराम पौडेल लगायतले डुम्रेलाई स्कुटरको चाबी हस्तान्तरण गरेका हुन् ।
लक्की ड्रमार्फत कुपन न ८६१५४ बाट पोखराको ग्यालेक्सी बैंककुइटका सञ्चालक दामोदर डुम्रेले सुजुकी बर्गम्यान स्कुटर जितेका हुन् । डुम्रेले बोल बम ट्रेडर्स स्याङ्जाबाट जस्मिन पेन्ट्स किनेका थिए । उनले गुणस्तरीय नेपाली उत्पादनलाई प्रोत्साहन गर्नुपर्ने बताए ।कार्यक्रममा कम्पनीका नेसनल सेल्स म्यानेजर पौडेलले योजनामा सहभागी सबै ग्राहकलाई धन्यवाद दिँदै आगामी दिनमा पनि यस खालका योजनालाई निरन्तरता दिइने उल्लेख गरे ।
ग्राहक लक्षित उपहार योजना ‘जस्मिनको रंग, घरपरिवार दंग’ अन्तर्गतको बम्पर उपहारमा बिर्तामोडका कुलप्रसाद बराल र तुलसीपुरकी मेनुका भण्डारीले एमआई ४३’’ स्मार्ट टिभी जितेका छन् भने उदयपुर गाईघाटका रमेश कार्की र बाँकेका भद्रबहादुर खत्रीले १ सय ८५ लिटरको वार्लापुल फ्रिज पाएका छन् । योजनामार्फत २५ जनाले सिजी मिक्स्चर र सय जनाले पेन्डुलम घडी जितेका थिए । चाडपर्वलाई मध्यनजर गरी ३ महिना सञ्चालन भएको यस ग्राहक लक्षित बम्पर उपहार योजनामा जस्मिन पेन्ट्सका उत्पादन खरिद गरेका ग्राहक समावेश भएका थिए ।
दामोदर डुम्रेको फेसबुक वालबाट
