पोखरा १६ भाद्र
पोखरा महानगरपालिका वडानं १३ कार्यालय द्वारा शनिवार वडा कार्यालय मा आयोजना गरिएको दोस्रो खुल्ला तीज गीत प्रतियोगिता २०८१ मा वातावरण आमा समुह , छापाको चौतारा आर्वा प्रथम भएको छ ।
प्रतियोगितामा ४२ समुहले भाग लिएका थिए । सो प्रतियोगितामा महिला तथा बाल कल्याण कुञ्ज सिग्देलमार्ग कुडहर दोस्रो, कमला जैसी समुह हेमजा तृतिय तथा बाँझापाटन मिलन मार्ग आमा समुह र आर्वाली दिदि बहिनी समुह आर्वाले सान्त्वना स्थान हासिल गरेका थिए । प्रतियोगितामा उत्कृष्ट भेषभुषा तर्फ जागरण आमा समुह मोहरपानी आर्वा ले पुरस्कार हात पाऱ्यो । तेस्तै उत्कृष्ट नृत्य तर्फ काहुँखोला टोल बिकास संस्था एकमाया पौडेल समुह बिजयी भयो । प्रतियोगितामा पुरस्कार राशी प्रथम नगद ३० हजार, दोस्रो २० हजार, तृतिय १० हजार तथा सान्त्वना पाँच पाँच हजार , उत्कृष्ट भेषभुषा तथा उत्कृष्ट नृत्य तीन हजार तथा साथमा प्रमाणपत्र राखिएको थियो ।
तीज गीत प्रतियोगिताको उद्घघाटन बरिष्ठ चलचित्र अभिनेत्री गौरी मल्लले गर्दै तीजलाई भड्किलो नबनाउन आग्रह गरिन । उनले तीजमा दरखाने दिन मा मात्र दरखाने चलन ल्याउनु पर्ने भन्दै परम्परा मौलिकता लाई धान्दै तीज मनाउन आग्रह गरिन् । अभिनेत्री मल्लले आफु अभिनित चलचित्र कन्यादान को तीज गित, तिजको रहर आयो बरी लै बोलको गीत गाउनु का साथै नृत्य समेत गरेकी थिइन् ।
कार्यक्रममा नेपाल पत्रकार महासंघ कास्कीका अध्यक्ष बिमला भण्डारी, वडान १३ का वडा अध्यक्ष किरण बराल, वडा सदस्य सुचीत तामाङ्ग, रजनी परियार, वडा सचीव अञ्जु गुरुङ्ग , रामकुमारी पौडेल, अस्मिता बराल लगायतले तीज गीत तथा तीजको महत्व का विविध पक्ष बारे धारणा राखेका थिए ।प्रतियोगिता का निर्णायकहरुमा अमर धिताल, केशब देवकोटा र सरास्वती परियार रहेका थिए ।
