साहित्य शृङ्खला पोखराको २६३ औं नियमित रचना वाचन कार्यक्रम विशिष्ट प्रगतिबादी साहित्यिक स्रस्टाहरुको उपस्थितिमा पश्चिमान्चल मा बि गैह्रापाटनको सभाहलमा भब्य रुपमा सम्पन्न भयो।
शृङ्खलाका सल्लाहाकार बाम बुद्धिजिवी रामराज रेग्मीले संस्थामा आ आफ्नो कमजोरी समस्यालाई थाती राख्दै उपस्थित भएर कार्यक्रमलाई निरन्तरता दिन सकेकोमा खुसी ब्यक्त गर्नु भएको थियो।कबिताहरु साना हुन्छन तर शसक्त हुन्छ्न ।आम मानिसका पक्षपोषण गर्न साहित्य रचना मार्फत गर्न सकिने, कला गला हुनेले बाजा बजाएर ,गाएर ,कथा कबिता अन्य साहित्यिक रचनाहरु मार्फत जनताहरुलाई सचेत गर्दै एक ढिक्का बनाएर अघि बढ्नु पर्ने कुरा सुझाउनु भयो।
प्रकृतिको सृष्टि कसैले बिनास गरेर सक्दैन।अप्ठ्यारा समस्यामा निराश हुन आबश्यक छैन भन्दै हाम्रो संस्कृती ब्यक्तिबादी होइन,सामुहिक हो,प्रगतिबादीहरुको कल्चर एउटालाई परेको समस्यामा सबैले सहयोग गर्नु हो भन्ने कुरालाई जोड दिनुभयो।
नेपाल प्रज्ञा प्रतिष्ठानका प्राज्ञ सभा सदस्य नारायण मरासिनीले बाचित रचनाहरुको मिहिन रुपमा समीक्षा गर्दै जीवन जगतलाई सुन्दर बनाउन सुन्दर सङ्गालोहरुको रचना आबश्यक पर्ने कुरा सो अबसरमा औंल्याउनु भएको थियो।कुनै एउटा बिधामा मात्र लाग्दा सफलता पाइने भएकाले आफू पनिआजकल कथालाई मुख्य बिषयबस्तु बनाउदै लागिपरेको कुरा दर्शाउनु भएको थियो।आफ्नो कथा संग्रह “घैंटीको मूल्य”२०८१ भाद्र ४ गते लोकार्पण हुने भएकाले सबैलाई उपस्थित भएर सहयोग गरिदिनका लागि अनुरोध समेत गर्नु भयो।
शृङ्खलाका पुर्व संयोजक भिम रानाभाटले आफुलाइ यो संस्थाको माया अधिक भएको हुनाले भ्याए सम्म कार्यक्रममा उपस्थित भैरहने प्रण गर्नु भयो।निरन्तर शृङ्खलाको उत्तोरोत्तर प्रगतिको समेत कामना गर्नु भयो।
बिकास लुङ्गेली
