शुरु भयो बाढी पहिरो, लागेको छ सारै डर
पहिराले नि चिन्दो रैछ गरिबकै घर ।
कहिले लामो खडेरी त कहिले पर्छ असिना
थिलोथिलो पार्छ सधै हाम्रै पसिना ।
अझै वर्षा बाकी नै छ कहाँ के के हुने हो
असारमै धन जनको ठूलो क्षति भो।
दैलैमुनि भेल पसेर भएको छ गण्डकी
भेल पहिरोमा सकिदै छ दुखी जिन्दगी ।
हिड्न पनि गाह्रो हजुर बाटो पनि छ बन्द
खोला नाला बढेका छन् छैन आनन्द ।
यात्रुबाहक बस खसेर त्रिशुलीमा हरायो
कतै टाढा हिड्न पनि मन डरायो।
पार्वती पोखरेल ” लुरी”
स्याङ्जा बिरुवा
हाल पोखरा
