धादिङको गजुरी गाउँपालिका–५ घाटबेशीबाट शनिबार दिउँसो ४ बजेतिर त्रिशूली नदीमा पौडी खेल्ने क्रममा दुई जना बेपत्ता भएका छन् । बेपत्ता दुई जना किशोरमध्ये एक जनाको शव फेला परेको छ ।
धादिङको गजुरी गाउँपालिका–५ घाटबेशीबाट घाटबेशीका १५ वर्षीय युनिक सुवेदीको शव सशस्त्र प्रहरीको गोताखोर टोलीले आइतबार फेला पारको हो भने १३ वर्षीय रिदम रोइला त्रिशूली नदीमा बेपत्ता भएको रिदमको खोजी जारी रहेको सशस्त्र प्रहरी बलका सह-प्रवक्ता तथा डीएसपी शैलेन्द्र थापाले जानकारी दिए ।
दुई किशोर बेपत्ता भएको सूचना पाए लगत्तै सशस्त्रको आदमघाटस्थित विपद् व्यवस्थापन बेसबाट डीएसपी मदनकुमार रसाईलीको कमाण्डमा ७ जनाको टोली परिचालन भएको थियो । आइतबार सशस्त्रको विपद् व्यवस्थापन शिक्षालय कुरिनटारबाट इन्सपेक्टर धनकुमार अधिकारीको कमाण्डमा ५ जनाको गोताखोर टोली पनि परिचालन गरिएको थियो ।
