पृष्ठभूमिबाट चिहाइरहेकाे
गाउँको धमिलो अनुहार
सोंचे जस्तो सुन्दर छैन यो चौर
कति आमाहरू सुत्केरी हुन नसकेर
उतै सहरतिर जीवन बिसाएको
साक्षी हो हेलीचाैर
म पनि एक साक्षी बसेको छु
त्यही हेलीचाैरमा
यौवन रित्याएर जीवनको
भिक्षा मागेकी गर्भवतीको क्रन्दनको

बारीहरू भरिला छैनन्
काइला दाइहरू परदेशीएकै बेला हो
बारी पाखो भएको

गाउँमा बाआमा छन्
छोराछोरी छैनन्
सहरमा छोराछोरी छन्
बाआमा छैनन्
यो देश यसरि नै चलिरहेछ महोदय

ओठमा मुस्कान
पार्श्वमा प्रकृती र
दिमागमा धारिलो छुरा बोकेर
सहर, गाउँका रहर रित्याएर
धमिला गाउँ बनाउन उद्यत छ
म त्यहि धमिलो गाउँको कुरुवा बसेको छु ।