पोखरा
एडस रोग नियन्त्रण संघ कास्कीमा चलचित्र प्रदर्शन, सहयोग हस्तान्तरण तथा श्रद्धाञ्जली सभा सम्पन्न भएको छ । संघले साहित्यकार प्रकट पगेनी शिवको निधनप्रति श्रद्धाञ्जली सभासहित विविध कार्यक्रम आयोजना गरेको हो ।
संघले संघद्वारा जनचेतना अभिवृद्धिका लागि निर्माण गरिएको प्रतिबद्धता फिल्मका नायक प्रकट पगेनी शिवको स्मरण गर्दै श्रद्धाञ्जली सभा सम्पन्न गरेको हो । यसैगरी, संघले कास्कीको माछापुच्छे«–२, भुर्जुङखोलामा अवस्थित माछापुच्छे« मा.वि. भुर्जुङखोलामा पगेनी अभिनित चलचित्र प्रतिबद्धतासमेत प्रदर्शन गरेको छ ।
समारोहमा माछापुच्छे« मा.वि. विद्यालय व्यवस्थापन समितिका पूर्व अध्यक्ष गमबहादुर गुरुङ र प्रधानाध्यापक सन्तोष आचार्यले समुदायमा जनचेतना जगाउन र सचेतना छर्न महत्वपूर्ण भूमिका खेलेको बताए । माछापुच्छे«–२ का वडाध्यक्ष गणेश आचार्यलगायतले चलचित्र अवलोकन गर्नुका साथै समाजमा विद्यमान कुसंस्कार अझै राम्ररी निराकरण हुन नसकेको बताए ।
संघका अध्यक्ष विश्वमोहन गौचनले संघका गतिविधिलाई प्रभावकारी बनाउन साहित्यकार तथा कलाकार प्रकट पगेनी शिवको निधनले संघलाई अतुलनीय क्षति पुगेको बताए । सोही समारोहबीच संघले विद्यालयलाई दुई कार्टुन सेप्टी प्याडसमेत वितरण गरेको छ ।
