एस पी रेग्मी
झापा
कागलाइ बेल पाक्यो हर्ष न बिस्मत। नलेखौ भने नागरिक सर्बोच्चता अपहरण भै रहेको छ।लेखौ भने फिरौती कुम्लाएर लिने गरि दलिय सिन्डिकेट भित्र कैद छ लोकतन्त्र।
यदि कसैले देख्नु,भेट्नु भएमा जनता सम्म पुराइदिनु हुने झिनो आसामा कलम चलाउदैछु। के तपाइले महसुस गरेको ब्यवस्था भित्र कतै लोकतन्त्र पाउनु भो। बिडम्बना आज लोकतान्त्रिक ब्यवस्था लोकतन्त्र कै दुहाइ दिने दलहरुले अझ बुझ्न दलहरुकै सिन्डिकेट भित्र अनेकौ संसदीय प्रणाली को जालो द्वारा बेरिएको अवस्था भित्र फलामे ताल्चा लगाएर लुकाएका छन। त्यहा दलका टाउके हरुलाइ मात्र भेट्न र रासलिला मच्चाउन छुट छ। सर्वसाधारण त नाङ्गो आङ्ग लिएर जीवन जिउन बाध्य छन भने त्यही नाङ्गो शरीर पनि किस्ता किस्तामा विभिन्न शीर्षक बनाएर चिथोरीएका छन। एउटा घर चल्नका लागि मेसिन झै पेलिनु त जनताको दिनचर्या बनेको छ। शीर्षक हेरौ एकपटक।
पानी,बिजुली,शिक्षा,स्वास्थ,यातायात, कर(tax), भान्सा, मनोरंजन, जताततै कर बुझाउनु परेको हुन्छ तर अहिले सम्म जनतालाइ यो कथित लोकतान्त्रिक ब्यवस्थाले के दियो निसुल्क ???? जब हामी आफ्नो भान्सामा पाक्ने तरकारी त बजारमा छानिछानी किन्छौ भने आफ्नो भबिस्य निर्माण गर्ने नेतृत्व आफैले प्रत्यक्ष चुन्न पाएका छैनौ।
अत हामिले यो ब्यवस्था पाल्नु भनेको सिहलाइ मासु खिलाए जस्तै हो तलमाथि पर्ने बित्तिकै आफ्नै सिकार हुन तयार हुनुपर्छ। लोकतन्त्र को सुन्दरता जनताले भोग्नका निमित्त दलहरु भित्र ठूलो आन्तरिक संघर्ष आवस्यक छ।दलहरुको सिन्डिकेट भित्र बलात्कार भएको नागरिक सर्बोच्चता लाई नागरिक ले नै बचाउनु पर्ने छ। त्यो भनेको फेलर संसदीय ब्यवस्थालाइ फालेर जनवाद स्थापना गर्नु नै एक मात्र बिकल्प हो।
