पोखरा ,फागुन २०
जिल्ला समन्वय समिति कास्कीको टोलिले निर्बाचन क्षेत्र न ३ को योजनाको आइतबार अनुगमन सम्पन्न गरेको छ।
प्रमुख लिलाधर पौडेलको नेतृत्वमा जिल्ला समन्वय अधिकारी नवराज बराल सहित सदस्य र कर्मचारी प्राबिधिक कर्मचारी सम्मीलित टोलिले अनुगमन गरेको हो।
कास्की निर्वाचन क्षेत्र न ३ को पोखरा महानगर पालिका वडा न २३ मा नेपाल सरकार शहरी बिकास मन्त्रालय एकीकृत पूर्बाधार बिकास कार्यक्रम अन्तर १२ करोड ४६ लाखको लागतमा निर्माणाधीन कोल्ड स्टोर , प्रदशनि हल र सामुदायिक भवन सहितको आयोजनाको अनुगमन गरिएको हो । सो आयोजना जय नेपाल इश्वर निर्माण सेवा प्रा लि द्वारा निर्माण सुचारु उक्त आयोजनाको कार्य संतोषजनक पाइएको जि स स प्रमुख लिलाधर पौडेलले उल्लेख गर्नुभयो। पौडेलले गुणस्तर र निर्माण अबधिको उचित खयाल गर्दै आयोजनाको काम अगाडि बढाउन आग्रह गर्नुभयो ।
२०८१ कार्तिक महिनामा निर्माण सम्पन्न गर्ने लक्ष्य राखिएको उक्त आयोजनाको तीस प्रतिशत बित्तीय र ४० प्रतिशत भौतिक प्रगती देखिएको संघीय आयोजना कार्यान्वयन इकाइ पोखराका प्रमुख सुरज पौडेलले जानकारी दिनुभयो । त्यसैगरि कास्की निर्बाचन क्षेत्र न एक पोखरा महानगर पालिका वडा न १२ स्थित पश्चिमाञ्चल क्षेत्रीय अस्पतालमा संचालित रेट्रोफिटिङ आयोजनाको आइतबार नै अनुगमन गरिएको जिल्ला समन्वय समिति कास्कीले जनाएको छ।
