हल्ट प्राइज पृथ्वीनारायण क्याम्पस को अनक्याम्पस फाइनल सम्पन्न… टिम थिन क्लाइन्टको टोली विजेता  हल्ट प्राइज पृथ्वीनारायण क्याम्पस को अनक्याम्पस फाइनल गत सोमबार फाल्गुन १४ गते गण्डकी प्रज्ञाप्रतिष्ठान को भानु सभा हलमा सफलता पुर्वक सम्पन्न भएको छ। हल्ट प्राइज पृथ्वीनारायण क्याम्पसद्वारा मङ्सिर २६ गते ‘इन्फो सेसन’ देखि सुरुवात गरि यो तीन महिनाको अवधिमा स्टार्टअप हरूलाई आवश्यक पर्ने उद्यमशीलता कौशल, बिजनेस मोडल क्यानभास, स्टार्टअप फाइनान्स, मार्केटिङ पिचिङ आदि जस्ता कार्यशाला प्रतिस्पर्धी विद्यार्थीहरू लाई प्रदान गरि अन्त्यमा अनक्याम्पस फाइनल आयोजित गराइएको थियो | उक्त अनक्याम्पस फाइनलमा पृथ्वीनारायण क्याम्पस का ५ फाइनलिस्ट विद्यार्थी समूहहरूले हल्ट प्राइज २०२४ को थिम “अनलिमिटेड” मा आधारित भएर आफ्नो आइडिया पिच गरेका थिए। कार्यक्रम मा सभापतिको आसन ग्रहण क्याम्पस डाइरेक्टर बविता तामाङ ज्यू ले गर्नुभएको थियो भने प्रतियोगिताको निर्णायक मण्डलमा जोन्सेन ग्रुप अफ कम्पनीका कार्यकारी अध्यक्ष नूरज बटाजु, नबिल बैङ्क गण्डकी प्रदेश का क्लस्टर हेड हरि ढाकाल, चार्टर्ड एकाउन्टेन्ट्स संघ नेपाल, कास्की शाखा पोखराका अध्यक्ष सि ए बिबेक श्रेष्ठ ज्यू रहेका थिए | कार्यक्रम को सुरु राष्ट्रिय गानबाट गरिएर प्रतियोगि ५ समूह टिम थिन क्लाइन्ट, टिम दि ओरिजीनल्स, टीम इको रोड, टीम ट्युटर होम नेपाल, टिम क्लेज हरुले चार मिनेट पिचिङ र निर्णायक मण्डलसंग प्रश्न उत्तर सत्रलाईअर्को चार मिनेट गरी प्रतिस्पर्धा गरेका थिए। अन्तिम चरणको प्रतिष्प्रर्धामा ४ समुहलाई पछि पार्दै टिम थिन क्लाइन्टको टोली प्रथम हुदै क्षेत्रिय छनौट प्रतियोगिताको लागि मुम्बै, नैरोबी, बोस्टन, मोन्टेरी, बैंकक, दुबई, लिस्बन मध्ये कुनै एक शहर जाने बाटो खुल्ला गरेको हो । उक्त टोलीमा सुदीप पौडेल (कप्तान), उत्पल पौडेल, सिजन शाही, रोशन थापा, इशानी अधिकारी रहेका छन्। उक्त प्रतियोगितामा टिम दि ओरिजीनल्स, टीम इको रोड, क्रमसः दोस्रो र तेस्रो स्थानमा आएका छन् । क्षेत्रिय छनौटबाट पुन अर्को चरणको छनौट ग्लोवल एसिलेटरमा छनौट भए पश्चात विश्वका प्रतिष्प्रर्धीहरुसंग फाइनल चरणमा बेलायतको लन्डनमा प्रतिष्प्रर्धा हुने र यदि विश्व प्रतिष्प्रर्धामा विजेता भएमा एक मिलियन अमेरीकी डलर पुरस्कारको हासिल गर्ने कुरा हल्ट प्राइज पृथ्वीनारायण क्याम्पस का क्याम्पस डाइरेक्टर बविता तामाङले बताइन । हल्ट प्राइज पृथ्वीनारायण क्याम्पस अनक्याम्पस कार्यक्रम २०२३/२४ का रिसोर्स पार्टनर NYEF पोखरा च्याप्टर, एजुकेसन पार्टनर XDezo एकेडेमी, भेन्यू पार्टनर गण्डकी प्रज्ञाप्रतिष्ठान, प्रायोजक ए एस रियल इस्टेट प्राइभेट लिमिटेड , श्री रत्न आभूषण, गण्डकी सप्लार्यस एण्ड रियल इस्टेट प्राइभेट लिमिटेड, नमस्ते आभूषण, ड्रिम आर्टस, गण्डकी फुड क्याफे एण्ड नान हाउस रहेका थिए।